| 成日都無咩特別...除左係6點幾果陣收到個電話..有少少高潮之外@@..整天都是低潮...唔通我ge人生真係陷入"膠著"ge狀況..唉..T^T 今日訓到11點幾先知醒.....醒左之後食左一包烏冬..然後就食晚飯=.=" 係食烏冬同食晚飯ge中間果段時間...我都唔係好記得自己做左d咩...=0=..只係係咁係度聽"笑談廣東話"..真係好似漫無目的咁一味係咁笑...(哈哈哈嘻嘻嘻呵呵呵).v=.=v....笑到牙臽痛=0= 跟住係2點幾左右..我果個離開左屋企3日ge"一寶"終於都番左黎..一坐姐...就成個"指揮官"咁..係咁點我做呢做果樣...真係服左佢=.= 然後係6點鐘左右..我就收到"羊"小姐ge電話...原來係我之前見ge果份工..佢打電話黎通知..見我去面試!!yeah^^..我都幾開心下..因為終於可以搵到d野做....終於可以衝破我人生ge低潮.!! 然後就去左食飯....聽人講起先知道原黎今集係"大契"ge終點站....無得再聽佢講做人ge指標..=.=..唉.真係有d捨不得T^T(捨不得你...woo..oo) 最後就係等待明天ge降臨!!! |
| |
| 今日一朝早....8點左右就聽到電話響..本來想爬起身聽電話GE!!!點知發覺自己周身都勁痛同埋無晒力..莫講話起身..連郁都唔想郁..事關一郁就痛..一郁就痛!!(哎呀) 事關係因為我琴晚發左個夢..夢見自己係咁比人"丙"..點知真係成真....(汗)..講笑ZA..係因為我琴日打羽毛球打得太耐..搞到肌肉酸痛...所以搞成咁!!呵呵呵..(一D都唔好笑~.~) 原來個電話係我啊爸打黎..叫我地去飲茶...嘩..我心諗.8點鐘ZA~大佬呀!!比我訓多陣啦..點知真係訓左..ZZZ..跟住我呀媽講左句野之後..就令我覺得事態嚴重..無論我成身幾痛都好...幾眼訓都好..我都一定要去飲茶....我呀媽話"唔去飲茶...就要捱到今晚先有得食"...因為佢要去買野..所以..=.=...我點都要去飲茶-0- 飲完茶之後..番到黎知道左啊水收到通知...於是想打電話問下其他人有冇收到通知..點知佢地出晒去踢波...咁雖有等佢地番黎先問啦..跟住就同啊水玩左陣勁舞....好似都無咩特別事發生..唉...(悶) 之後師公同禽兄都話想玩勁舞..我心諗..終於可以唔使一個人玩咁悶啦..TvT..點知人算不如天算...禽兄因為勁舞down唔到ge關係而無玩...而師公呢..雖然係down到..但是更新唔到而無玩到...唉..最後都係自己一個人玩=.=...(淚) 不過師公就推介左隻..跑onilne比我玩...雖然我唔係好鐘意自己"跑"..但係都鐘意無使點用氣ge"跑"..於是就同師公跑左幾場..唔好以為我叫師公做師公..咁師公就唔識"跑"...原來師公跑得好快嫁...鋪鋪都跑第一..只係"健步如飛"..呵呵呵@^@ 食完飯之後..就睇左陣"謎"...真係幾不可思異...一開波介紹自己果陣...有個人話.."我係貽興王..王貽興"..我真係o咀..似係搞gag多d..都唔知有咩分別..唔通咁介紹自己真係會威d=.=..而果個謎女郎..真係唔知佢做咩..一時扮走光...一時又係度行天橋..轉左幾個圈之後..先至肯攞個file比人...真係估佢地唔到..不概係"謎"=0= (今日已經係姑婆離家出走ge第3日@.@) |
| |
| 今日係我第一日打xanga...大部分都係因為我懶ge~關係..呵呵呵....雖然我都知人地已經打到唔打-0-..不過我都想試試呢種感覺.@@ 今日9點幾左右...我同我另外7個朋友..組成左呢個和平版ge''八國聯軍''去見工...果度大就大.不過就好似冇咩人咁...好似都幾0岩我..因為我最like做d唔使點做..又有錢收ge~工...(奸) 唉...可能真係''雌''得禽獸多ge~關係..慢慢變到好似佢咁懶tim...(淚) 係果度填左張from之後...就去左筲箕灣打左場波...係途中..我有一個朋友佢將佢ge~一段愛情史講左比我知...都幾可歌可泣嫁..真係聽者傷心聞者流淚..(麻煩各位能夠為呢段愛情默哀3分鐘)"認真" 去到果度...嘩..個太陽都唔知係唔係燒壞左個腦...搞到果度真係熱到無倫...行都唔係好想行...搞到我d籃球技術一落千丈...不過我諗都應該唔係好關事GE!!應該係我本身技術ge問題(嗯嗯嗯..應該都冇錯啦) 跟住...敳文同埋禽獸上左我屋企坐左陣....我就同敳文玩左陣"蘇哈"..與此同時..禽獸就係度打機...然之後就"打劫"左我兩個杯面= =...雖然係預左比人食..不過就冇諗過用杯面黎招呼客人... then..我同佢地兩個因為時間ge問題...所以迫住要跑去柴室..唉...我就最唔鍾意跑...因為我本身係一個咩事都鍾意慢慢地ge人...所以跑..呢d咁快ge~sport就真係唔好預我TvT 入到去打左2個鐘之後就番歸啦...搞左成日之後真係好鬼死肚餓...食左3碗飯..然後訓左陣...醒左..再訓過..ZZZZ |
| |
